سـا الخـيـر: من أشعار خالد بهدلة

Saturday, January 20, 2007

من أشعار خالد بهدلة

سا الخير عليكم يا بنى ادمين
واقفين طوابير على العيش منتوش فاهمين
دستورنا اتغير وخلاص محنا نايمين
افهم يا ابنى انت وهو ده احنا المساجين
واقفين طوابير فى المعتقل وناسين
ان احنا سعات بنفكر بس مش سمعين
صدى صوت اصوات كرباج بتدوى على المساجين
ياعم كبر دماغك ده الكرسى خلاص لزق
وهينجح فى الدورة الجاية والناس عايزين
يقولوا كفاية كدة يالى مسكت الحكم
سنين وسنين
ابعد ايديك الحلوة عن جمال وخلينا ساكتين
لو فتحنا فى كل الكلام محناش خالصين
دى بلدنا بلد اكياس الدم الفسدانة
زى الكراسى الى خليلت خلاص دفيانة
اوعى يا عم تكون فاكر انك عايش
ده انت مدفون بالحياة وتوك فاهم
ان العصر خلاص اتغير وان احنا بقينا
فى عصر النانو تكنولوجى
وعلمئنا الاربيعن الف مش لينا
دول برة يا عم عندهم هناك
قولتلى فين فى امريكا
وفى الاخر يقووا علينا لاننا
تحت راية حكم سياتك
روح كانت ستين نصيبة تاخدك وكفاية كدة

هدية من الشاعر الصديق خالد دياب للمدونة

Labels: تهنئة و ترحيب

posted by ALiaa @ Permalink ¤1/20/2007 07:21:00 pm

28 Comments:

At 1/20/2007 8:49 pm, Amr Ahmed said…

وبكده اكون فزت بجايزة اول تعليق

ييلا الجوايز هاتكتر اول
بس اوعي تضربي عليها

بس ايه الشاعر الجميل ده

حلوة اوي

بس بتفكرنا بالغم

يللا الواقع لا هروب منه

تحياتي يا جميل
At 1/20/2007 9:02 pm, ALiaa said…

منور يا عمور.... دا هيبقي له مستقبل جامد... مبروك كفارة الامتحانات
At 1/20/2007 9:04 pm, VEЯŎ said…

الله عليكي يا شخية ايه الجمال ده بس

سالخير عليكي يا قمر
At 1/20/2007 11:24 pm, الناي الحزين said…

السلام عليكم

:(

سياسه تاني
ده المود مش تمام خالص

بس عموما هو شعر جميييييييييل

سلامو عليكو

كل سنه وانتم طيبين
At 1/21/2007 4:40 am, بين الأمل و اليأس said…

لا حول ول قوة الا بالله
انتي فعلا شكلك متفقه مع سمرا انكم تنيموني في السجن
هو انا ناقص تسخين
الله يحرقه دا حاكم هو والحكومة بتاعته
بس ايه ده بجد خالد ده شكله جامد اوي ربنا يوفقه احسنتي في اختيار الموضوع المناسب عن الشخص اللي مش مناسب من الانسان المناسب للناس اللي رايحه ابو زعبل
اه وقبل مامشي كل عام وانتي بخير
بس انتي اللي جبتيه لنفسك كدا مفيش رسم ولا حتى اسم وتبقي وصيلي على عيش وحلاوة عشان شكلك هاتكوني معايا
وربنا يسترها
At 1/21/2007 5:14 am, basma saghir said…

عايزاني اقلك ايه؟؟
طبعا كلام جميل وكلام معقول مقدرش اقول حاجة عنه
بس هنروح في داهية ياعلياء
دول مراقبين المدونات اليويمن دول

سلامي ليكي وسلامي للشاعر
At 1/21/2007 7:11 am, إبـراهيم ... said…

كلاااااام جمييييل يا سا الخير

صا الخير بقى :)
At 1/21/2007 8:07 am, محمد عبد الغفار said…

هو شاعر بجد ، وانا شاعر بألم
At 1/21/2007 5:44 pm, FATMA said…

احنا صحيح مكناش فاهمين بس دلوقتي ابتدينا نفهم
At 1/21/2007 8:19 pm, مـحـمـد مـفـيـد said…

بصراحه يستحق الاشاده
شاعر جميل ومعبر
واكيد انه مميز لانه اختصها لكي انتي بها
At 1/21/2007 10:35 pm, admelmasry said…

تحياتي ليكي ولشكل المدونة الجميل

وتحياتي للسيد بهدلة صاحب هذه الكلمات
At 1/23/2007 12:00 am, Anonymous said…

هي الناس دي بترد كأنها واقفة في جمعية ليه ما علينا انا غلس اووووي انا عارف بس مش مهم علي فكرة بقا رغم اني بكره الحزب الوطني الا اني بقول ربنا يطولنا في عمر حسني مبارك علي الأقل الفترة دي .... ده مش من باب المعارضة ده لان وجهة نظري الشخصية ان التوترات الي هتعم البلد لحين استقرار الحكم في ايد اي رئيس مدني مع حالات صرعات المعارضة وحالة الجهل والثقافة الغائبة لا يستطيع احد التبؤ بحجمها ربنا يسترها علينا
At 1/24/2007 4:39 am, Anonymous said…

أنا بمسي بس

سا الخير يا ام عصام

:)
At 1/24/2007 6:58 am, ody911 said…

منتش جايبنها لبر الليلة

توووت توت

قطر صغنطووط

توت توت

باليل بيفوت

توت توت

ويهل علينا

توت توت

فى معاد مظبوط

وتوت توت توت توت تووووووت

وعادى بقة

أودى أتجنن
At 1/24/2007 11:54 am, Unknown said…

صدقينى انا مش متضايق من جمال
انا متضايق من اصرارهم لفرض الوصايه على عقولنا و افكارنا و اختيارتنا

و قال ايه عايزين يقنعونا ان كل ده هيكون باختيارنا
وعجبى

تحياتى
واحد بيكره الوصايه
و يمكن لو سابوه بدون وصايه يختار جمال
At 1/24/2007 12:31 pm, Abed. Hamdan said…

كلام جميل..وحزن في نفس الوقت
At 1/24/2007 2:41 pm, Anonymous said…

قصيدة رائعة
At 1/25/2007 6:18 pm, ody911 said…

آخيرا عرفت أكتب كومنت عندك

إيه يا بنتى فينك

محدش بيشوفك خالص لية كدة ؟؟

عموما طمنينى عليكى

وعلى فكرة إللى كاتب الكلام دة

مبقوق أوى

مخنوق يعنى

وكتابتة جميلة بجد

ياريت تبلغية بكدة

ولسة عادى بقة

أودى
At 1/25/2007 7:33 pm, LAMIA MAHMOUD said…

سالنور يا ستي

حتودونا في داهية انتم كده

يا ستي الرضا بالمقسوم عبادة اعملي راضية وخدي ثواب
لوووووووووووووووووول
At 1/25/2007 8:25 pm, yara said…

إزيك يا عليياء
مش عارفة قريتى الشعر ده قبل كدة و لا لأ بس أنا بعتبره من العبقريات المتفجرة بسبب كره ل سى زفت حسنى
يمكن ديه الحسنة الوحيدة اللى بناخدها من و شه

من أحمد فؤاد نجم إلى حسني مبارك
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
At 1/26/2007 7:11 am, ALiaa said…

VEЯŎ
سالنور يا فيرو... اسكندرية أخبارها ايه
:)

الناي الحزين
وانتي طيبة هو في عيد قريب؟؟؟
يس يس ميرو... بااد مود
هههه

بين الأمل و اليأس
و ماله... السجن دي هتبقي خروجة هايلة
At 1/26/2007 7:16 am, ALiaa said…

بيسوو
ما يراقبوا .... هو كان جاب حاجة من تأليفه؟؟؟ و بعدين ما تقلقيش أنا عميلة loooooooooooooooool

إبـراهيم ... معـايــا
صالنوررررر يا أستاذ ابرهيم
مين معايا بقي؟؟؟
:)

Mohamed A. Ghaffar
أنا بقي شاعرة بغيظ
At 1/26/2007 7:21 am, ALiaa said…

توتة توتة
و عملنا ايه؟

مـحـمـد مـفـيـد
لا يافندم هو ماختصهاش لي... هو عمها للشعب المصري البوهيمي
:)
منور يا أستاذ مفيد

ادم المصري
ادم المصري و تحياتي ليك من قلبي يا فندم
نورت عندينا
At 1/26/2007 7:28 am, ALiaa said…

كبير المتشردين
كدة هزعل يا مستر ام..... يا أخي فوضي سياسية و لا ركود مطين
انت مش من مؤيدي التغيير؟؟؟؟ اخص علي كدة

Abd El
Rahman
لا لا لا لا من فضلك... أنا أم حمزة... حتي مسجلة اسم الجهاز في البلو توث كدة
:)

ody911

اه... متخافش يا أودي... مش هيمسكوك... بالعكس هما بيحبوا منك كتييييير و مش بعيد يعملوا قطر معاك
looooooooooooooool
At 1/26/2007 7:45 am, ALiaa said…

whyme
هقول لك علي سر أكيد عارفة
هه
احنا مانعرفش نتفطممممم
ماتقولش لحد ها؟؟

Abed. Hamdan
وخيبة أمل كمان يا عابد
:(

tazart
شكرا بالنيابة عن خالد بهدلة
منورة عندينا يا تازارت هانم
At 1/26/2007 7:49 am, ALiaa said…

ody911
انت أول مرة تكتب كومنت علي الموضوع دا؟؟؟؟ أمال مين اللي كان بيلف يالقطر يا أودي
:D
سلامك يوصل يا أودي
منور ياخويا

LAMIA MAHMOUD
هههههههههههههههه
أنا حاسة اني قاعدة علي قهوة
يا فقرية منورة

yara
ست يارا منورة عندنا
هو في حد ماعرفش الشعر بتاع عيد ميلاده؟؟
مسخرة أحمد نجم داا
At 2/17/2007 11:25 pm, koukawy said…

انا قريت تبتاعت احمد فؤاد نجم قبل كده00
بس دي جامده اوي00
و الكرسي فكرني بمسرحية الهمجي بتاعت محمد صبحي00
ابقي فاكيريني يا حوريه نجيب كراسي تيفال
اهو لازم الكرسي المدعو يبقا تيفلا برضو لأنه لو مش تيفال هيبقي في عذر للي بيلزق
At 4/28/2010 10:35 pm, خالد دياب said…

وانا رجعت من تانى ومستنيكم فى مدونتى الى هبداء فيها ان شاء الله بقوة واسمها فى ليلة حلم
تحيات خالد دياب

Post a Comment

<< Home

أقر أنا المذكورة ادناه ساكنة في العنوان اياه

Name: ALiaa
From: cairo, Egypt
About me:
More..

بار المزيكا:الجريدة-مارسيل خايفة

ساالخير علي الناس الجميلة

اذا حار أمرك في معنيين و لم تدر أين الخطأ و الصواب....فخالف هواك فان الهوي يقود النفوس الي ما يعاب.............. رحم الله الشافعي

اللي اتكتب في الفترة دي

في عزلتي وحدة تكفي لكم جميعا.............. فتعالوا

من شعر الحكمة العربي القديم

دع الاقدار تفعل ما تشاء وطب نفساً بما فعل القضاء ولا تفرح ولا تحزن لشيء فان الشيء ليس له بقاء

قالوا

الحياة إما أن تكون مغامرة جرئيه ... أو لا شيء هيلين كيلر

ابليس و دهائه

العجب لبني آدم ! يحبون الله ويعصونه ، ويبغضونني ويطيعونني

ان كيدهن عظيم

تشاجر زوجان وامتنعا عن الكلام ، وقبل أن يصعد الزوج للنوم ، قدّم لزوجته ورقة مكتوب عليها : ايقظيني الساعة الخامسة صباحاً ، وفي اليوم التالي استيقظ الزوج ، ونظر الساعة فوجدها الثامنة ! فاغتاظ ، ثم لبس ثيابه ، ولما أراد الخروج ، نظر فرأى ورقة مكتوب عليها : استيقظ ، الساعة الآن الخامسة

بيان من مرسيل خليفة وقاسم حداد

عندما ذهبنا إلى التراث العربي بحثاً عما يضئ حاضرنا، ونستعيد به ما نسيناه وما افتقدناه في حياتنا الراهنة، نعني الحب، جلبنا درّة الحب الخالدة، شعلة الوجد التي لا تخبو جذوتها ما دام هناك عاشق أو عاشقة يتنفسان الحب. جلبنا حكاية من ذابَ – وقيل من جُـنّ- حباً، وقمنا بصقل الحكاية بما تيسر لنا من شعر وموسيقى وغناء ورقص ودراما. وما كان لدينا غير مطمحٍ واحدٍ: أن نحرض الناس على الفرح لا الغياب، على الحياة لا العدم. كانت غايتنا أن نعبّر عن العاطفة الإنسانية في أبهى وأنقى تجلياتها، وأن نمجّد الجدير بالتمجيد: الحب. أبداً لم تكن غايتنا أن ندغدغ الغرائز الأدنى عند جمهور جاء، بكل براءته وثقته وفطنته، ليعرف ويستمتع ويفتح قلبه على سعته، بلا موقف مسبق، بلا ضغينة، ولا أحكام. جمهورٌ بيننا وبينه ميثاقٌ من الاحترام المتبادل، لا يمكن أن نحط من قدره بتقديم ما هو فجّ ومسفّ ومبتذل. لكن أبداً لم يخطر ببالنا أن ما نقدمه من عرض نظيف وبريء، ومتجرّد من النوايا السيئة والخبيثة، سوف يتم تأويله –غيابياً- بخلاف ما هو مقصود، وسوف يرى فيه حماة الدين والأخلاق والطهارة عملا فاحشاً ومعيباً، وسوف يرون فيه خروجاً على الشريعة الإسلامية والأخلاق العامة. إن محاولة نواب الكتل الإسلامية، وأتباعهم، التصدي لعمل "مجنون ليلى"، ولكافة فعاليات "ربيع الثقافة" في البحرين، وتشكيل لجنة تحقيق في ما يسمونه خروجاً على الشريعة، مثل هذه المحاولة لا ننظر إليها بوصفها رغبةً في تصفية حسابات سياسية أو شخصية، بقدر ما ننظر إليها، عمقياً، كمحاولة مقصودة، ومنظمة، لإرهاب كافة أشكال الفكر والثقافة، وقمع كل مسعى إبداعي. الثقافة الحرّة، الرافضة للامتثال، هي المستهدفة. إنه دفاعٌ باطلٌ، عقيمٌ، مشكوكٌ فيه، عن دينٍ لا يستمد قوته وعظمته واستمراريته من العنف (اللفظي والبدني) الذي يمارسه فقهاء الظلام وتجار الفتاوى، بل مما يدعو إليه من تعايش وتسامح ومحبة. دينٌ، في جوهره، قائمٌ على الحوار والاجتهاد. دينٌ لا يحتاج إلى دم شاعرٍ أو صمت أغنيةٍ كي يحافظ على بقائه، لا يحتاج إلى صراخ وانفعال وتشنج في الدفاع عنه. إنها دعوة صريحة ومباشرة للانغلاق، لمصادرة حق الآخر في التعبير، لإنكار تعددية الأصوات، والمفارقة أن تنطلق هذه الدعوة من موقعٍ (برلمان) يُفترض فيه أن يكون منبراً لمختلف الأصوات والاتجاهات. إن مثل هذه الدعوة لا تحتقر الإنسان الحر، الراغب في المعرفة والمتعة، لكنها تحتقر أيضاً بلداً متحضراً ينتمي إلى القرن الحادي والعشرين. لذا يحق لنا أن نتساءل: هل يليق بوطن متحضر أن يمثّل شعبه نوّابٌ يتوهمون امتلاك السلطة.. سلطة المنع والكبح والمصادرة؟ نواب ترتعد فرائصهم كلما لاحتْ في الأفق قصيدة أو أغنية لا تمتثل لشروطهم فيستنفرون الكراهية والتعصب؟ نوابٌ يرون الشيطان الرجيم يسكن في كل أغنية أو رقصة أو مشهد أو نص؟ نوابٌ يظنون أن الله يبسط، لهم وحدهم جناحَ الرحمة ويعادي الآخرين؟ نوابٌ ليس من مهمات (مجلسهم) أن يعطي شعباً برمته درساً في الأخلاق، ولا لأحدٍ منهم أن يعلمنا الوطنية. ما يحدث هنا، حدث ويحدث في أراض عربية متفرقة.. بشكل أو بآخر. المثقف العربي متهم دوماً، أو عرضة للاتهام في أي وقت، ما دام يبدع. لذا فهو ليس مطالباً بأن يبدع فحسب، لكن أن يدافع أيضاً عن إبداعه ضد قوى القمع المتربصة به عند كل منعطف. يحق لنا هنا أن نحيي ونعانق جميع القلوب العاشقة والعقول الحرة، التي عبرت عن تمسكها الجميل بالحب وبالحرية، مسألتان لا يمكن التفريط فيهما كلما تعلق الأمر بالحياة والإبداع، نريد أن نقدر الموقف الحضاري الواضح والجرئ، مطمئنين بأن ثمة مستقبلاً جميلاً لا يمكن لأحدٍ منعنا من الذهاب إليه أحراراً، وبمختلف اجتهاداتنا الفكرية والفنية. نضم صوت شعرنا وموسيقانا إليكم، لنقول لهم معاً: ارفعوا أيديكم عن حناجرنا.

الحتت دي تبعنا

مواقع لطيفة

صحاب و مدونين سكر

Designed-By

Credite